تفسير الحروف فى هوست الميكروتيك D A AH AD B P PS

الاخوة الكرام

الكثير يستفسر عن الحروف اللى فى هوست الميكروتيك معناها ايه...

تابعوا معى وانتم تعرفوا بالتفصيل

H

العميل ساحب ايبى اوتوماتيك من السيرفر بس مش مسجل دخول لسه

AH

العميل ساحب ايبى اوتوماتيك ومسجل دخول باليوزر والباسورد وكله تمام

D

العميل ده مكتوب له ايبى يدوى على جهاز 

الكمبيوتر بتاعه بس لسه مسجلش دخول نت باليوزر والباس

AD

العميل مكتوب له ايبى وسجل دخول للنت باليوزر والباس الخاص به

B

العميل معمول له بلوك من السيرفر يعنى اتحجب من انه ياخد نت من عندك

P

ده عميل شغال بدون يوزر وباسورد انت عملت له

 باى باس علشان يعدى من صفحة الهوتسبوت بس انت 

عملت له الباى باس بالايبى فقط او بالماك فقط فلما دخل 

على السيرفر واشتغل نت جاب لك الحرف ده

PS

ده عميل معمول له باى باس يعدى من السيرفر بدون 

يوزر وباس ومربوط بالماك والايبى سوا وجهازه

 ساحب نفس الايبى الاوتوماتيك وشغال تمام

ملاحظة هامة جدا

اسوء خطر على السيرفر عندك لما العميل D او H

يبقى ساحب سرعة جامدة عندك فى الهوست 

لانه مسجلش دخول اصلا وعامل لك لووووووووود

 جامد جدا على السيرفر مخلى CPU  عالى جدا جدا ومهنج الدنيا ومعلى البينجات

العميل ده ممكن يكون متفيرس

العميل ممكن يكون كان بيعمل تحميل ببرنامج

 انترنت داونلود مانجر وفجاة خرج من النت 

او ظهرت له صفحة الهوتسبوت تانى طبعا الانترنت

 داونلود مانجر بيقعد يعمل له فى الكمونكشنات 

يرسل ويغلق واغلاق المقبس والاتصال كل ده لود جبار على السيرفر

الحل انك تقوم تعمل له بلوك لمدة ربع ساعة

شاركه على جوجل بلس

عن Unknown