بدون دمج شغل خطين فى الشبكة ووزع العملاء عليهم وحل العديد من المشاكل..شادى سوفت

السلام عليكم احبائى الكرام
عدت لكم باخر الانباء..

طلب من ناس كتير
انا ياعمى عندى خطين ومش عاوز ادمج عاوز الناس كلها تبقى معايا فى سيرفر واحد وانا اتحكم فيهم براحتى اوزع ناس على تى داتا وناس على لينك او اتصالات
ياعم شادى تى داتا فيها استخدام عادل وام عادل وخالة عادل حتى عادل نفسه فيه استخدام عادل وعندى خط لينك معلهوش الكلام الفارغ ده عاوز احط المنيل ده على لينك لانه عمال يعمل داونلود طحن الطحن
ياعم شادى لما بدمج البينج بيعلى لان عندى روتر جودة الخط بتاعه ضعيف بيوقع لى الدمج والاسم ان عندى خطين يافرحتى بيهم عاوز افصلهم ياعم عن بعض
طيب ايه رايك نعمل خط للتصفح وخط للداونلود؟؟؟

انا معاكم فى كل اللى فات ده وقدرت اليوم بكل سهولة اجيب لكم شرح عامله وانا نايم لان الساعة الان 7 ونص صباحا

بس مش هاقدر اوعدك بخط للتصفح وخط للداونلود
انت عاوز تعمل كده علشان ناس بتعمل داونلود
وناس تانية بتتصفح بس
طيب ياسيدى انا سهلتها لك شوية
هانبعد عن الدمج وبطىء التصفح
وهاندمج المشتركين مش الخطوط؟!!!
ايه ياعم ده انت عكستها ليه كده؟
انا جايب الروتر بورد علشان ادمج الخطوط؟؟
طيب هادمج الناس ازاى؟
وهاتحكم فى مين اللى ياخد من الخط ده ومين اللى ياخد من ده ازاى؟؟
ياعم انت هاتجننى؟
سيبنى فى حالى الله يكرمك لان موسم الصيف بدء والاجازات
ورمضان جاى وحيتان الداونلود عمالين بيسنوا اسنانهم وروتراتى فى المحل مرعوبة من الشفاطات اللى الناس عماله تحضر لها فى رمضان
فكهااااااااااااااااااا يارب بقى

ده لسان حال كل واحد صاحب شبكة

------------
عاوز افهمكم الطريقة كده على السريع والشرح جوه الفيديو مستفيض جدا
رينج ايبيهاتك
10.0.0.2/24
يعنى
256 ايبى
طيب انا هاقسم البلد نصين
هاعمل 128 ايبى تى داتا
و 128 ايبى لينك او اتصالات ايا كان ده مثال
هاعمل اول 128 ايبى على تى داتا
وتانى 128 ايبى على لينك

شوفت بقى ياعم شادى اهى دماغى لفت اهى
طب انا ايبهاتى اوتوماتيك
الحل عند شادى سوفت ياخفيف لانى هاخليك تتحكم فى الاوتوماتيك اللى العميل بياخده مش بمزاجه ولا بمزاج السيرفر ده بمزاجك انت
طب انا ايبهاتى منيوال
طيب وماله زين مافعلت اكتب انت الرينج وتذكر قبل 128 تى داتا وبعده لينك
------------
وبعدين بقى؟؟
انا مش فاهم منك حاجة خالص؟

------------

طيب يبقى الفيديو بقى احسن

اتفضل ياكبير