السلام عليكم اعزائى زورا واعضاء مدونة ميكروتيك العرب
فيما سبق وضعنا سكريبت المعجزات الخاص بتسريع التصفح والفيس واليوتيوب..
النهاردة تم عمل بعض التعديلات للتوافق مع النسخ الحديثة واصبح الكود يعمل بقوة 100 فى 100
صاحب الشبكة يتصل وزى الباشا يقولى ...
ازيك يابشمهندس شادى(مع انى خريج حقوق بس مشيها بشمهندس) والله انا عاوز اليوتيوب يطير ادام المشترك طيران (منه لله اللى
اخترع اليوتيوب كانت 64 اشتريها زمان و 125 بركة عن ال 8 ميجا دلوقت) والنبى ياباشا فى وسط التحبيشة اخبطنى كمان تسريع
الفيس بوك بقى خليه صواريخ.!!!! وبص بقى ياهندسة مش هاوصيك على التصفح يبقى حاجة كده زغللة من الاخر ...ووحياة ابوك
ياشيخ فى وسط ده كله انا عاوز احد للعميل سرعة فى التحميل ميعديهاش؟...
يامصيبتى السودة..كده هو مش اتصل على شادى ..كده هو دعك الموبايل وطلع له جنى احمر من اللى بيعملوا شقلبازات
وحركات!!!!!!
طبعا بقعد اكلم نفسى واضرب كف على كف لان المكالمة بتنتهى بسؤاله عن سرعته
كام يروح رازعنى الكلمة فى وشى ويقولى 4
ميجا ياباشا ويروح ساكعنى الضحكة الشريرة فى الاخر يحسسنى بالعجز بقى!!!!!
والنهاردة باذن الرحمن تم كل ماسبق لكل النسخ سواء 3.30 او 5. او 6
نشوف الفيديو سوا نفهم منه كل حاجة
0 التعليقات:
إرسال تعليق