حل مشاكل الانترنت فى مصر اطفى الروتر وافتحه تانى...اطفيه وافتحه تانى..ليه الجملة دى؟!!!

اطفى الروتر وافتحه تانى؟.!!!
كلمة محفوظة فى الدعم الفنى المصرى لكل شركات الانترنت
ايه اسبابها؟..
ليه بيتعمدوا عمل الحركة دى؟.!!
ليه كل ماتتصل بهم يعملوا الاجراء الروتينى اللى بيغيظ كل الشعب المصرى ده؟.
طب مش نفهم الاول قبل مانهاجم الشركات فى مصر؟.
(1) اطفى الروتر وافتحه تانى...
اى حد عنده روتر فى بيته عاوزه يقلبه على ظهره كده
ويوقلى مصنوع فين؟..
made in china
مظبوط الكلام ولا انت شايف عندك حاجة تانية؟..
الروتر مصنوع فى الصين فرزة خامسة من بتاع مصر ..
تخيلوا كل الدول العربية كوم ومصر كوم تانى خالص
الدول العربية يروح لها الاصدار الاميركى الخليجى الفاخر فرزة اولى
مصر يروح لها الاصدار الصينى المعفن احقر واقل فرزة..
على فكرة مش من الصين المشكلة
المشكلة من المواطن المصرى..ايوه المواطن المصرى
يجى لك روتر قمة فى الاداء من اى دولة عربية...فجأة تلاقيه اختفى من السوق
بعد شهرين تلاتة رجع نفس المنتتج..بس حجمه معدش تقيل؟..سعره ارخص كمان من الاول؟..اداؤه مش مظبوط زى الاول..
عارف ايه اللى حصل؟..
اللى حصل المصرى المبتكر الخارق المارق اخد القطعة ونزل بها الصين قالهم عاوز شبهه وبنفس السوفت ويبقى بربع تمنه..
المصانع الصينينة تنتج..
ينزل المستورد المصرى يغرق السوق بالمنتج المضروب
يبيع بنفس السعر يكسب اربع اضعاف
تلبس انا وانت وكل الناس فى الحيط
تاخد الروتر بيهنج...بيقرى قراية زبالة..مبيستحملش السرعة العالية..وبلاوى من دى كتير..
على فكرة مش المستورد اللى ضحك عليك وعليا؟..
ده انا وانت مشتركين فى نفس القضية...
لانى انا وانت عمالين ندور على روتر رخيص 4 فتحات وياسلام لو يكون وايرليس كمان؟.
طمعى وطمعك هو اللى خلى التاجحر يبقى جشع ويسرقنى ويسرقك
يبقى فى النهاية كلنا عندنا روترات صنع فى الصين رديئة مبوظة لى الخدمة بالكامل
(2)اطفى الروتر وافتحه تانى
عاوز كل واحد منكم يطلع بره 5 دقايق ينظر على بوكس التليفون اللى واخد منه الخط..
شايف شكله عامل ازاى؟..
بذمتك انت يرضيك منظره ده؟..
طب اقولك على حاجة!!!
بص كده على السلك اللى طلع لك؟..لحد البيت؟...
شايف شكله؟؟شايف التقطيع اللى حاصل فيه؟..شايف اللحامات اللى فيه؟..اظنك لاحمه بشيكرتون؟..
طب بقولك ايه؟.
افتح بوكس التليفون كده؟!!
ايه افتوجئت؟..جالك ذهول من المنظر جوه؟..
طب شايف الحديد والمسامير اللى فيها سلك التليفون بتاعك؟..
بذمتك شكل الصدأ فيها ازاى؟..
بقولك ايه..
اتمشى 5 دقايق لحد الكابينى الرئيسية الكبيرة بتاع التليفونات اللى فى الشارع كده
سيبك من الزبالة اللى مرمية حواليها!!!والمياه اللى مغرقة الدنيا حواليها!!!والقطط اللى بتلعب جواها!!! بص على شكل السلوك جوه كده!!
(3)اطفى الروتر وافتحه تانى
الكهربا عندك عاملة ايبه؟..
تحتك ورش بتسحب الكهربا؟..
الكهربا عمالة تقطع على الكمبيوتر والروتر؟.
المغرب الكهربا شكلها بيضعف واللمبات بتاع الشقة كلها بتضعف؟.
ولا ايه الوضع معاك؟.
(3)اطفى الروتر وافتحه تانى
روترات رديئة لا تتحمل سرعات الانترنت + بوكس تليفون ردىء+بنية تحتية مطينة بطين +سلوك تليفون مقطعة وكلها لحامات+ كهرباء ضعيفة وعمالة تقطع على الروتر والكمبيوتر
كل دول ميكس التهنيج
عامل الدعم منتظر ان الروتر يفك من التهنيج بتاعه لما بيعمل الحركة دى على امل الخدمة تشتغل!!!
وتصدقوا بقى ان نص الدعم بيبقى الحركة دى بس ؟..يعنى الحركة بتنجح
فهمتوا بقى لييييييييييييه
اطفى الروتر وافتحه تانى
لا عزاء للمصرى

شاركه على جوجل بلس

عن Unknown