شغل العميل زى شركات الموبايل واعمله صفحة يدخل على حسابه براحته والهدية صفحة هوتسبوت لليوزر مانجر وحل مشكلة mikrotik user manager error 404 not found

السلام عليكم ورحمة الله وبركاته

اعضاء مدونة ميكروتيك العرب اهلا بكم..

الموضوع النهاردة هانلقى الضوء على عدة نقاط هامة جدا..

(1) مشكلة عقيمة باليوزر مانجر لقيت ناس كتير كاتبينها النهاردة

ايرور 404 فى ميكروتيك

mikrotik error 404 not found

كل مايكتبوا الايبى وسلاش يوزر مانجر ماتجيش الصفحة

تم حلها بالفيديو فى لحظة وستعمل معك بكل بساطة

(2)صفحة روعة تكتب عليها منافذ بيع كروتك وارقامك

وتوضح النظام الجديد للعميل من خلالها

صفحة هوتسبوت هدية لكم وجدتها على احد

المدونات ناشرها المهندس طاهر الوردانى هو تقريبا مدرس حاسب الى

وعجبتنى فكرتها وعدلتها لتعمل مع اليوزر مانجر جيدا

(3) بعد تسجيل العميل الدخول هنا بقى احلى مفاجأة

العميل بعد مايسجل دخوله الميكروتيك هايرحب

بيه ويوقله يدخل اليوزر والباص وبعد مايدخلهم

هايفتح له لوحة تحكم من سيرفرك وهايقوله

ازيك ياجميل اخبارك ايه؟؟ ماتعرفنى اسمك ورقم تليفونك

واميلك ولو عاوز تغير باسوردك يارياسة مافيش

مانع اصل الراجل صاحب الشبكة ده جدع اوى وميبخلش عليك بحاجة

ههههههههههههههههه...

انا بتكلم بجد والله

هايتفتح للعميل اكونت داخل السيرفر يعمل فيه اللى

هو عاوزه هايشوف سرعته والفلوس اللى دفعها

ويعرف متبقى له اد ايه من الايام او الساعات او

الجيجات ويعرف كمان هو حمل قد ايه؟..

يعنى زى صفحة تى داتا اللى بتعملها للناس يتابعوا

الكوتة او الاستخدام بتاعهم من خلالها

هاتشوف بالفيديو الفكرة هى جميلة جدا وسهلة جدا وتكسبك عملاء بالعبيط ياريس

كل عميل هايبقى كانه بيتعامل مع كيان رسمى وله اكونت خاص به بيعدل فيه براحته

ويغير باسورده وقت ماهو عاوز علشان الاولاد

ميلعبوش فى النت فكرة تحفة تحفة تحفة

كفاية كده رغى ونشوف فيديو الشرح ياعسليات منك

له له له...هههههههه...رخامة اخر الليل معلش

والان تحميل الصفحة هدية لكم عدلوا فيها زى ماانتم عاوزين

تحياتى لكم شادى سوفت

تقني للمعلومات